58

مردوں کا بال رکھنے کا مسنون طریقہ

سوال

مردوں کو بال کس طرح رکھنے چاہییں، اور جب بڑے ہوجایں تو کس طرح کتروانے چاہییں؟ اس معاملے میں کیا حرام ہے اور کیا حلال اور دیگر احکام بالوں کی حوالے سے اور سننتیں وغیرہ بھی بتادیں. جزاکاللہ.

جواب

مردوں کے لیئے بال رکھنے کے مسنون تین طریقے ہیں، 1: کانوں کی لو تک، 2: کانوں کی لو اور کندھوں کے درمیان تک اور 3: کندھو ں تک اور حج وعمرہ کے موقع پر آپ صلی اللہ علیہ وسلم سے بال منڈوانا بھی ثابت ہے۔ بال بڑھ جائیں تو ان تین طریقوں میں سے کسی طریقہ کے مطابق بال رکھ لینے چاہیئں، اگر اس کے مطابق کوئی نہ رکھے توبال کتروانے میں بہرحال اس بات کا اہتمام لازم ہے کہ ہر طرف سے برابر کتروائے جائیں ، آپ علیہ الصلاۃوالسلام نے اس طرح بال کتروانے سے منع فرمایا ہے کہ کہیں سے چھوٹے اور کہیں سے بڑے ہوں نیز غیروں جیسی وضع قطع اختیار کرنا، ا ن جیسے بال بنوانا بھی ناجائز ہےواللہ اعلم

ماخذ: دار الافتاء جامعۃ العلوم الاسلامیۃ بنوری ٹاؤن
فتوی نمبر: 143602200012

اس خبر پر اپنی رائے کا اظہار کریں

اپنا تبصرہ بھیجیں